''ပုဂံပြည်တွင် အုပ်ချုပ်ခဲ့ဖူးသော ပုပ္ပါးစောရဟန်းမင်းသည် အရည်းကြီးလူထွက်ဖြစ်၍ ဗေဒင်နှင့်မှော်ပညာကို ကျွမ်းကျင်သည်။ နတ်နှင့်နဂါးကိုလည်း ကိုးကွယ်သည်။ သူ့လက်ထက်မှစ၍ ဗေဒင်နှင့်မှော်ပညာသည် အထွက်အထိပ်သို့ရောက်လာကာ နတ်နှင့် နဂါးကိုးကွယ်မှုမှာလည်း ယခုတိုင်အောင် တွင်ကျယ်လာခဲ့သည်။
နတ်နှင့်နဂါးကိုးကွယ်မှုသည် ပုပ္ပါးဘက်တွင် အကြီးအကျယ်ဖြစ်နေသဖြင့် နှောင်းခေတ် ဘုရင်များက တိရစ္ဆာန်နဂါးကို ကိုးကွယ်တာထက်စာလျှင် လူကဖြစ်သောနတ်စိမ်းကို ကိုးကွယ်တာက တော်သေးသည်ဟု ယူဆကာ လုပ်ဇာတ်တစ်ခုရေးပြီး ရုပ်တုနှင်တကွ ဖောင်ဖြင့်မျှောလိုက်ရာမှ အစပြု၍ နတ်ကိုးကွယ်မှု ၀င်ရောက်လာ ကြောင်း စစ်ကိုင်းဦးဘိုးသင်း၏ သူ့အမြင်သူ့အတွေးစာအုပ်တွင် ဖတ်ရှုရပါသည်။
အနော်ရထာမင်းလက်ထက်မှစ၍ ကွယ်ပျောက်ခဲ့သော နဂါးကိုးကွယ်မှုသည် ယခုအချိန်ထိ အမြစ်ပြတ်သေးခြင်းမရှိခဲ့ပါ။
အဘယ်ကြောင့်ဆိုသော် အထက်မြန်မာပြည်ရှိ ကျေးရွာတချို့တွင် ရှင်ပြုသည့်အခါ နဂါးကို ရှင်လောင်းပြရသည်ဟုဆိုကာ ရွာအနောက်တခါးသို့ သွားလေ့သွားထ ရှိနေသေးသည်ကို တွေ့နေရသေးသည်။ အထင်ရှားဆုံးအချက်သည်ကား ခရီးသွား၊အိမ်အပြောင်းအရွှေ့လုပ်သည့်အခါ နဂါးခံတွင်းမ၀င်မိရန် ရှောင်တတ်ကြခြင်းပင်ဖြစ်သည်။
နတ်နဂါး ကိုးကွယ်သူတို့၏ အယူအဆအရ နဂါးသည် တနေရာနှင့်တနေရာ သုံးလနေပြီး အရပ်လေးမျက်နှာသို့ လက်ယာရစ်လှည့်နေသည်။ နဂါးသည် တပေါင်း၊တန်ခူး၊ကဆုန် သုံးလတွင် အနောက်ဘက်သို့ လှည့်နေသည်။နယုန်၊၀ါဆို၊၀ါခေါင် သုံးလတွင် မြောက်ဘက်သို့လှည့်နေသည်။ နတ်တော်၊ပြာသို၊ တပိုတွဲ့လတို့တွင် တောင်ဘက်သို့လှည့်နေသည်။
တစုံတယောက်သောသူသည် နဂါးခံတွင်းဝင်သွားလျှင် ဆင်းရဲဒုက္ခနှင့် တွေ့လိမ့်မည်။ နဂါးအကြေးခွံကိုဖောက်သွားလျှင် ကံဆိုးမိုးမှောင်ကျလိမ့်မည်။နဂါးဝမ်းကိုဖောက်၍ သွားမှသာ ကံဆိုးခြင်းမှ လွတ်၍ ချမ်းသာသုခနှင့်တွေ့ရလိမ့်မည်။
ဥပမာအားဖြင့် နဂါးခေါင်းအရှေ့ဘက်သို့လှည့်နေသော တော်သလင်း၊သီတင်းကျွတ်၊ တန်ဆောင်မုန်းလတို့တွင် အရှေ့မှအနောက်သို့သွားခြင်းနှင့် အနောက်မှအရှေ့သို့သွားခြင်းကို ရှောင်ရမည်။ တောင်မှမြောက်သို့ သွားခြင်း၊ မြောက်မှတောင်သို့ သွားခြင်းကို ပြုလုပ်နိုင်သည်။
အတွေးအခေါ်ရှိသော ဗုဒ္ဓဘာသာတို့၏ ရယ်ရွှင်ဖွယ်ကောင်းသော အယူအဆဖြစ်ပါသည်။ ထို့အတူ ကောင်းကျိုးဆိုးကျိုးကို ကောင်းကံ မကောင်းကံက ဖန်တီးမပေးဘဲ ကိတ်ဂြိုဟ်မှတပါး ဂြိုဟ်ကြီးရှစ်လုံးက ဖန်တီးသည်ဟူသော ဗေဒင်၊ နက္ခတ် အယူအဆသည်လည်း ဗုဒ္ဓနှင့်အလွန်ပင် ဆန့်ကျင်နေပါသည်။
ထိုကဲ့သို့ ဆန့်ကျင်ပုံကို သိသာစေရန် ကချင်ပြည်နယ်၊နမ္မားမြို့ မင်္ဂလာရာမ ကျောင်းဆရာတော် ဦးဉာဏ-က တရားစစ်တမ်းဆွေးနွေးခန်းစာအုပ်တွင် အောက်ပါအတိုင်း သတိပေးရေးသား ထားပါသည်။
''ဘုရားဟောထက် ဗေဒင်ယုံသူတွေက များနေတယ်။ တစ်နှစ်တခါထုတ်တဲ့ သင်္ကြန်စာမှာဗြဟ္မာမင်းကြီးရဲ့ ဦးခေါင်းပြတ်ကြီးကို နတ်သမီးများ တယောက်ပြီးတယောက် လက်ကမ်းနေကြတာ တွေ့ကြပါလိမ့်မယ်။ မြတ်စွာဘုရားက နတ်ဗြဟ္မာများ၏ ခန္ဓာကိုယ်သည် ကမဇရုပ်တွေချည်း သက်သက်မို့ သေလျှင်မီးတောက် သဖွယ် ပျောက်တတ်တယ်လို့ဟောတယ်။
ဗေဒင်က ယခုထက်ထိ ခေါင်းပြတ်ကြီးက မပုတ်သေးဘူး၊ မြန်မာပြည်က ယုံကြည်လက်ခံထားသမျှ ပုတ်မှာမဟုတ်ဘူးကွဲ့။''
“ဗေဒင်က ရက်ရာဇာနဲ့ပြဿဒါးကို ပဓာနထားသကွဲ့။ မြတ်စွာဘုရားက ကုသိုလ်နဲ့ အကုသိုလ်ကို ပဓာနထားသကွဲ့။ ဗေဒင်က မဟာဘုတ်လေးပါးကို အဓိကထားပြီး ထူသကွဲ့။ မြတ်စွာဘုရားက သမ္ပတ္တိလေးပါးကို အဓိကထားပြီး ထူသကွဲ့။ ကဲ.....ဆန့်ကျင်မနေဘူးလား။ မြတ်စွာဘုရားနှင့် ဆန်ကျင်တာကို ယုံလျှင် ဘုရားတရားကို မယုံရာကျတာပေါ့။
”နဂါးခံတွင်းကျရင် ပျက်စီးတတ်တယ်လည်းမပါ၊ မသာ စံချရင် မလောင်းနဲ့၊ ကိစ္စမပြီးဘူးလည်း မပါ၊ အိမ်တိုင်ထူတာ နက္ခတ်မကောင်းရင် ပျက်စီးတတ်တယ်လို့လည်း မပါ၊ မင်္ဂလာဆောင်တာ ရက်မရွေးမိလို့ ပျက်စီးရတတ်တယ်လည်း မပါ၊ ဓမ္မာ၊သောက၊အင်းဝ၊ရာဇာ ကျလို့ ပျက်စီးတတ်တာလည်းမပါ၊ သားဦးစနေ မီးလိုမွှေဆိုတာလည်းမပါ။
တနင်္ဂနွေ၊တနင်းင်္လာ၊ အင်္ဂါ ဆိုတာတွေဟာ ပညတ်တွေပဲ၊ လူကိုကောင်းအောင် ဆိုးအောင် မလုပ်နိုင်ပါဘူး၊ ကုသိုလ်ကံကသာ ကောင်းအောင်လုပ်နိုင်၍ အကုသိုလ်ကသာ မကောင်းအောင်လုပ်နိုင်တယ်။ ဒီတော့ အကုသိုလ်ကံဆိုလျှင် မြွေဆိုး ကင်းဆိုးကဲ့သို့ ကြောက်လန့်ပြီး ကုသိုလ်ကံကို ဣစ္ဆာသယ ပတ္တမြားကဲ့သို့ သဘောထားကာ အားကိုးကြမှ ဓမ္မံသရဏံ ဂစ္ဆာမိမှာ မဟုတ်လား။”
နမ္မားဆရာတော်နည်းတူ အဘိဓဇမဟာရဠဂုရု စံကင်းဆရာတော်ဘုရားကြီးကလည်း “ တခါတခါ စဉ်းစားကြည့်ရင် ကံတရားက ကမ္ဘာတခုလုံးမှာရှိတဲ့လူတွေကို တယောက်နဲ့တယောက်မတူအောင် စီမံထားတယ်၊ တူတဲ့နေရာ တူပေမဲ့ မတူတဲ့နေရာတွေက အများကြီးရှိတယ်။ မိမိကိုယ်ကို ကောင်းအောင် လုပ်နိုင်တာလည်း ဘယ်သူလဲ၊ မိမိကိစ္စ မိမိစီမံတာပဲ။ ဘေးအန္တရာယ်ဖြစ်အောင် ဘယ်သူလုပ်သလဲ။ မိမိကံက လုပ်တာပဲ။
ဥပမာ
ဧရာဝတီမြစ်ကြီးရှိတယ်။ ဒီမြစ်ကြီးက ကုန်းပေါ်နေတဲ့သူကို ရေနစ်အောင်မလုပ်နိုင်ဘူး။ မြစ်ထဲဆင်းသူကိုသာ ရေနစ်စေနိုင်တယ်။ ဒီအတိုင်းပဲ ဘေးရန်အန္တရာယ်တွေ ရှိနေပေမဲ့လည်း အလုပ်ကောင်းလုပ်သူ ကံကောင်းရှိသူ ဘေးရန် မဖြစ်နိုင်ပါဘူး... ကံကောင်းမရှိသူသာ ဘေးရန် ဖြစ်စေနိုင်တယ်။ ဒါကြောင့် မကောင်းကျိုးဖြစ်စေတတ်တဲ့ မိမိရဲ့ ကံယုတ် ကံညံများကိုသာ ကြောက်စရာလို့တယ်။
ဥပမာ
ဧရာဝတီမြစ်ကြီးရှိတယ်။ ဒီမြစ်ကြီးက ကုန်းပေါ်နေတဲ့သူကို ရေနစ်အောင်မလုပ်နိုင်ဘူး။ မြစ်ထဲဆင်းသူကိုသာ ရေနစ်စေနိုင်တယ်။ ဒီအတိုင်းပဲ ဘေးရန်အန္တရာယ်တွေ ရှိနေပေမဲ့လည်း အလုပ်ကောင်းလုပ်သူ ကံကောင်းရှိသူ ဘေးရန် မဖြစ်နိုင်ပါဘူး... ကံကောင်းမရှိသူသာ ဘေးရန် ဖြစ်စေနိုင်တယ်။ ဒါကြောင့် မကောင်းကျိုးဖြစ်စေတတ်တဲ့ မိမိရဲ့ ကံယုတ် ကံညံများကိုသာ ကြောက်စရာလို့တယ်။
ဘေးရန် အန္တရာယ်တွေကြောက်စရာ မလိုပါဘူး။ ဂြိုဟ်ကြီးရှစ်လုံးပူးပူး မပူးပူး ဇာတိဇရာ မရဏစတဲ့ ဘေးရန်တွေ သတ္တ၀ါတိုင်း တွေ့နေကြရတယ်။ သံသရာကျင်လည်ခိုက်မှာ မကောင်းမှုကံပါလာလို့ ကပ်ကြီးသုံးပါးတွေ့ကြတာ သံသရာဒုက္ခခံကြရတယ်။ ဘေးရန်တွေက မိမိမှာဖြစ်လာတာ မဟုတ်ဘူး။ ကိုယ့်ရဲ့မကောင်းတဲ့စိတ်ကြောင့် မကောင်းတဲ့ အကျိုးတွေဖြစ်နေရတာ။ အတိတ်နမိတ် ဆိုတာတော့ တခါတရံရှိတတ်ပါရဲ့။ ငရဲကြီးရှစ်ထပ်ရှိနေပေမယ့် ငရဲ့ကြီးရှစ်ထပ်က ဘယ်သူ့ကိုမှလာမခေါ်ပါဘူး၊ ကိုယ့်ရဲ့မကောင်းစိတ်က သာ ငရဲကြီးရှစ်ထပ်ရှိရာကို ခေါ်သွားနိုင်တာပါ။”
ဆရာတော်နှစ်ပါး၏ သြ၀ါဒဆိုလိုချက်အကျဉ်းမှာ ဗေဒင်၊ နက္ခတ်၊ ဂြိုဟ် - ဘေးရန်တွေမှာ ကြောက်စရာ မဟုတ်။ မိမိပြုလုပ်သော မကောင်းမှု အကုသိုလ်ကံများသည်သာ ကြောက်စရာ အစစ်ဟု ဆိုလိုခြင်း ဖြစ်ပါသည်။ ဒီဂြိုလ်ထဲရောက်နေလို့ ဒီနက္ခတ်နဲ့တိုးနေလို့ ဒီဆိုးကျိုးခံစားရတာဟု ယူဆလိုက်လျှင် ကံ၊ကံ ၏ အကျိုးကို ယုံကြည်လက်ခံသော ကမ္မဿကတာ သမ္မာဒိဋ္ဌိအဖြစ်မှ သွေဖယ်၍ မိစ္ဆာဒိဋ္ဌိအယူသို့ သက်ဝင်သွားလေပြီ။ သို့အတွက်ကြောင့် ဆရာတော်ကြီးများက အလေးထား မှာကြားနေခြင်းဖြစ်ပါသည်။
ဗုဒ္ဓကိုယ်တော်တိုင်ကလည်း ဧကနိပါတ်၊ နက္ခတ္တဇာတ်တွင် -
”နက္ခတံ္တ ပဋိမာနေ နံ္တ၊
အတ္ထောဗာလံ ဥပစ္စဂါ။
အတ္ထော အတ္ထဿ နက္ခတ္တံ၊
ကိံကရိဿ တာရကာ။”
နက္ခတ်ကောင်းကို စောင့်မျှော်နေသောလူမိုက်ကို ကောင်းကျိုးချမ်းသာများက လွန်မြောက်သွားကြသည်။ ကောင်းသော အလုပ်ကို စလုပ်သောနေ့သည်ပင် ကောင်းသောနက္ခတ်ဖြစ်၏။
ကောင်းကင်မှာသွားလာနေသော နက္ခတ်များသည် အဘယ်အကျိုးစီးပွါးကိုမှ ပြီးမြောက်အောင် ဆောင်ရွက်ပေးနိုင်မည်မဟုတ်ဟု ဟောကြားတော်မူခဲ့ပါသည်။
မေတ္တာရှင်(ရွှေပြည်သာ)
“မျက်ရည်မကျခင်သိစေချင်”စာအုပ်မှကူးယူဖော်ပြပါသည်။
0 comments:
Post a Comment